«Օսկար» մրցանակ՝ «Միջազգային լիամետրաժ ֆիլմ» անվանակարգում

Հայկական ազգային կինոակադեմիան ամեն տարի հայտարարում է ֆիլմերի ընդունելություն՝ «Օսկար» մրցանակի «Միջազգային լիամետրաժ ֆիլմ» անվանակարգում Հայաստանի կողմից ներկայացվելու համար։
Միջազգային ֆիլմ է համարվում լիամետրաժ կինոնկարը (40 րոպեից ավելի տևողությամբ), որը արտադրված է ԱՄՆ-ից և նրա տարածքներից դուրս և որտեղ կա գերակշռող (ավելի քան 50%) ոչ անգլերեն լեզվով երկխոսություն։ Ընդունելի են նաև անիմացիոն և վավերագրական լիամետրաժ ֆիլմերը։

Դիմումների ընդունման ժամկետ` 04 հունիսի – 14 օգոստոսի (ներառյալ)

Ֆիլմի ներկայացման կարգը

Ֆիլմ ներկայացնելու համար անհրաժեշտ է լրացնել պաշտոնական հայտադիմումը և ուղարկել այն info@armfilmacademy.am էլ․ հասցեին։

Ներկայացվող ֆիլմերը պետք է համապատասխանեն Ամերիկյան կինոակադեմիայի սահմանած որակավորման չափանիշներին։
Խնդրում ենք նախքան դիմելը ծանոթանալ «Օսկար» մրցանակաբաշխության պաշտոնական կանոններին և համապատասխանության չափանիշներին։
Այս տարի «Լավագույն միջազգային ֆիլմ» անվանակարգի ընտրության կանոններում կատարվել են փոփոխություններ։
Խնդրում ենք ուշադիր ուսումնասիրել VI բաժինը՝ «International Feature Film» անվանակարգի հատուկ կանոնները, մասնավորապես՝ II.2 կետը, որտեղ նշված են դիմումների ընդունման պայմանների կարևոր թարմացումները։

Ընտրող հանձնաժողովի կանոնները և գործելակարգ

Ընտրության գործընթացը կազմակերպվում է Հայկական ազգային կինոակադեմիայի կողմից՝ Ամերիկյան կինոակադեմիայի պաշտոնական կանոններին համապատասխան։
Ընտրող հանձնաժողովը ձևավորվում է Հայկական Կինոակադեմիայի անդամների կողմից՝ ընդհանուր ժողովում, բաց քվեարկությամբ։
Բոլոր համապատասխանող ֆիլմերը դիտվում են Հայկական ազգային կինոակադեմիայի քվեարկող անդամների կողմից։ Վերջնական որոշումը կայացվում է գաղտնի քվեարկությամբ։ Ամենաշատ ձայներ ստացած ֆիլմը ընտրվում է որպես Հայաստանի կողմից պաշտոնական ներկայացում «Միջազգային լիամետրաժ ֆիլմ» անվանակարգում։
Ընտրող հանձնաժողովը հաստատում է քվեարկության արդյունքները։ Ոչ միանշանակ արդյունքների կամ այլ բացառիկ իրավիճակների դեպքում հանձնաժողովը կարող է անցկացնել կրկնակի քվեարկություն՝ վերջնական որոշում կայացնելու համար։

Արդյունքների ամփոփում

Սեպտեմբերի 1-ից 7-ն ընկած ժամանակահատվածում Հայկական ազգային կինոակադեմիան կհայտարարի հաղթող ֆիլմը, որը կներկայացնի Հայաստանը Academy Awards® մրցանակաբաշխությանը։ Հայկական ազգային կինոակադեմիան ողջունում է կինեմատոգրաֆիստների մասնակցությունը և հաջողություն է մաղթում բոլոր դիմորդներին։

Կոնտակտներ
Էլ․ փոստ՝ info@armfilmacademy.am
Հեռ․՝ +374 10 587971, +374 91 289294