ՄԵՐ ՄԱՍԻՆ

Հայկական ազգային կինոակադեմիան հիմնադրվել է 2011թ-ին: Ակադեմիայի հիմնադրման և գործունեության հիմնական նպատակն է կինոարտադրության խթանումը մեր երկրում: Հանդիսանալով հասարակական կազմակերպություն` այն միավորում է կինոարվեստում, ֆիլմարտադրության և կինոգիտության բնագավառներում նկատելի ավանդ ունեցող գործիչների: Գործունեությունն ուղղված է հայկական կինոյի հարուստ ժառանգությունը ներկայացնելու և ոլորտի այսօրվա առաջնթացի խթանմանը:

Կինոակադեմիայի առաջին ղեկավարն է եղել կինոգետ Դավիթ Մուրադյանը 2011-2016թթ: Այնուհետ` 2016-2017թթ-ին ղեկավարել է Եվրոպական կինոակադեմիայի անդամ, կինոռեժիսոր Հարություն Խաչատրյանը, իսկ 2017-2019 թ-ի փետրվարը` կինոռեժիսոր Վիգեն Չալդրանյանը: 2019թ-ի մարտին ազգային կինոակադեմիայի նախագահ ընտրվեց Հեռուստատեսության և ռադիոյի միջազգային ակադեմիայի անդամ Ռուբեն Ջաղինյանը: Ակադեմիան այժմ ունի 30 անդամ և նախագահություն վեց հոգուց բաղկացած:

Հայկական ազգային կինոակադեմիան իրականացնում է Անահիտ` ազգային կինոյի միակ մրցանակաբաշխությունը, ներկայացնում է հայկական ֆիլմեր աշխարհի լավագույն մրցանակաբաշխություններում և կինոփառատոններում, կոչված է կազմակերպելու ոլորտի զարգացմանն ուղղված սեմինարներ, սիմպոզիումներ և այլ միջոցառումներ և նախագծեր, որոնց նպատակն է կինոարտադրության խթանումն ու զարգացումը Հայաստանում: